जेठ / राष्ट्रिय जनमुक्तिपार्टी सिद्धार्थनगरले अगामी असार १४ गते हुने स्थानीय तह निर्बाचनको २३ बुदें प्रतिबद्धता पत्र सार्वजनिक गरेको छ ।
आज भैरहवामा पत्रकार सम्मेलन गरि घोषणा पत्र तथा सिद्धार्थनगरको उम्मेदवारको घोषणा गरेका छन् । सिद्धार्थनगरमा मेयर पदका लागि कृष्ण बहादुर गुरुङ, उपमेयरमा सिमा थापा गुरुङ चयन भएका छन् । त्यस्तै वडा नं. १ का लागि दिपेन्द्र पौडेल, ३ मा साकिर अलि, ४ मा इन्सान अलि, ६ मा राम बहादुर थापा मगर, ७ मा हेमा गुरुङ, ८ मा सुजित थापा, ९ मा मायादेवी सुर्यवंशी, १२ मा केसरी राना मागर, १३ मा नन्दा गुरुङ रहेका छन् भने वडा नं. २, ५, १० र ११ वडामा भने अध्यक्षको टुङ्गो लागेको छैन ।
कार्यक्रम जनमुक्ति पार्टीका केन्द्रिय सदस्य सूर्यकुमार सारु मगरको अध्यक्षता, मेयर, उपमेयर, वडा अध्यक्ष तथा सदस्यको आतिथ्यतामा सम्पन्न भएको थियो ।
राष्ट्रिय जनमुक्तिपार्टी सिद्धार्थनगरले यस्तो प्रतिबद्धताहरु सार्वजनिक गरेका छन् ।
१) जनमुक्तिको शासन, भ्रष्टाचारमुक्त प्रशासन नगरपालिकाको रुपमा नेपालमै नमूना नगरपालिका बनाइनेछ । सिद्धार्थनगर नगरपालिकाको ऐतिहासिक महत्वलाई व्यवहारमा नै गौरवान्वित हुने अवस्थाको नगर निर्माण गरिनेछ ।
२) हरेक नागरिकलाई आफ्नो क्षेत्रको विकासको अपनत्व महशुस गराउन ‘सम्बृद्ध नगरपालिकाको लागि मेरो योगदान’ अभियान चलाइनेछ ।
३) यस नगरपालिकामा निर्माण भएका र हुने सबै मुख्य तथा साहयक सडकहरु सुविधायुक्त अपाड्ड मैत्री बनाउनेछौ ।
४) खानेपानीका सबै समस्याहरु सहज ढङ्गले समाधान गरिनेछ ।
५) फोहोर व्यवस्थापनलाई समस्याका रुपमा राखिने छैन । सबै वडामा फोहोर व्यवस्थापन समिती बनाइने छ ।
६) वडा नम्बर ९, १२ र १३ मा नगर को आर्थिक सहयोगमा आन्तरीक र बाह्य पर्यटकहरुको लागि होम स्टे सन्चालन गरिने छ ।
७) सिद्धार्थनगरलाई ब¬द्धनगरीको हिसाबले विकास गरिने छ । बेलैहिया देखि एयरपोर्ट सम्म बुद्ध जिबनी झल्कने बुद्धको मुर्तिहरु बनाइने छ ।
८) मानब बेचबिखन मा परेकाहरु लाई सम्मान पुर्बक पुर्नस्थापितको व्यवस्था गरिने छ।
९) नगर भित्रका सडक तथा अनाथ बालबालिकाहरु लाई खान, बस्न र शिक्षाको व्यवस्था गरिने छ। साथ साथै वृद्ध वृद्धाहरुको लागि व्यवस्थित आवास गृह बनाईने छ ।
१०) बाल बिवाह र लागु औषध मुक्त नगर बनाइने छ । साथै लैङ्गिक बिभेद र महिला हिंसाको अन्त गरिने छ ।
११) यस नगरमा विद्युतीय समस्यालाई पूर्ण रुपमा समाधान गरी ‘लोडसेडिङ्ग मुक्त नगरपालिका’ बनाईनेछ । साथै सबै वडाका सडकहरुमा सौर्यबत्ति जडान गरिने छ । १३२ केबि बिध¬तिय लाईन लाई भैरहवा सम्म ल्याउने जोडदार पहल गरिने छ ।
१२) यस नगर भित्र अब बन्ने सबै सरकारी भवन, सिनेमा हल, सडक, हस्पिटल, आदी अपाड्ड मैत्रि बनाईने छ ।
१३) प्रत्येक वडामा एम्बुलेन्स तथा नगरपालिकामा शव वाहान को ब्यबस्था गरिने छ । स्वर्गद्धारी घाटलाई आध¬निक रुपमा ब्यबस्थित गरिने छ ।
१४) पक्लिहवा देखि गुनहिया सम्म डण्डा खोलाको दुबै तर्फ हरियाली सहीतको सडक निर्माण बनाईने छ ।
१५) हरेक वडामा व्यवस्थित स्वास्थ्य चौकी निर्माण गरी आवश्यक कर्मचारीको व्यवस्था गरिनेछ । नगर क्षेत्रमा रहेका सरकारी एवं नीजि अस्पतालहरुलाई पूर्ण रुपमा सेवा प्रदायक बनाईनेछ । नीजि मेडिकलहरुलाई सर्वसुलभ र सेवा प्रदायक बनाउन प्रेरित गरिनेछ ।
१६) वडा नम्बर १२ शान्तीनगर स्थित स्वर्गद्धारी घाट अत्याधुनिक तरिकाको ब्यबस्थित गरिने छ, साथै मुस्लिम समुदायहरुका लागि कब्रिस्थान र ईशाइ धर्मालम्बीहरुको लागि समाधि स्थलको ब्यबस्था गरिने छ ।
१७) भिम हस्पिटललाई आधुनिक सुबिधा सम्पन्न सहित ब्यबस्थित प्रस्तुति गृह बनाइने छ ।
१८) छाडा चौपायहरुको लागि कान्जीहाउस बनाई आम्दानीको स्रोत बनाइने छ ।
१९) बिभिन्न प्रयोजनको लागि प्रयोग हुने गरि भैरहवा मण्डपको ब्यबस्था गरिेने छ ।
२०) प्रत्येक वडा र नगरको मध्य भागमा सार्बजनिक आधुनिक शौचालय बनाइने छ ।
२१) बेलहीया बसपार्क लाई आधुनिकरुपमा व्यवस्था गरिनेछ ।
२२) नगरमा बस र ट्रक पार्कको ब्यबस्था गरिने छ ।
२३) सार्वजनिक सेवाका यातायातहरु सुविधायुक्त बनाउन कडा निगरानीको व्यवस्था गरिनेछ । बृद्ध, महिला र अशक्तहरुका लागि छुट्टयाईएका सीटहरु निजहरुका लागि के कति सुरक्षित गरिएको छ भन्ने बारेमा कडा निगरानी गरिनेछ ।
