अर्जुनधारा । अर्जुनधारा जलेश्वरधामले कोही भोकै नसुतुन् भन्ने उद्देश्य लिएर रात्रीकालिन भोजनको व्यवस्था गर्ने अठोट लिएको छ ।
दीनदुःखी, असाहय सबैले खान पाउनुपर्छ भन्ने मान्यतालाई अंगीकार गर्दै अर्जुनधारा जलेश्वरधामले कोही भोकै नसुतुन् भन्ने उद्घोष गरेको हो ।
धामद्वारा स्थापित अन्नदान अक्षयकोषको सहायताले रात्रीकालिन भोजनको व्यवस्था गर्न लागिएको धाम समितिले जानकारी दिएको छ ।
त्यतिमात्र नभएर धाम अवलोकन गर्न आउने अतिथि अर्थात् तीर्थ यात्रीहरुको लागि पनि भोजनको व्यवस्था गर्ने भएको छ ।
कोही भोकै नसुतुन् भन्ने नाराका साथ भोजन दैनिक साँझ ७ः३० बजेदेखि ९ बजेसम्म खुवाइने धामका सदस्य शेखर प्रधानले जानकारी दिए ।
धामको यो योजना हाललाई अर्जुनधारा नगर क्षेत्रमा भोजनको अभावका कारण रात बिताउ बाध्य भएकाहरुलाई लक्षित गरिएको छ ।
भविष्यमा धामले यो योजना देश विदेशमा सञ्चालित भण्डारा, लंगर आदिको प्रारुपमा स्थापित गर्दै लैजाने धामको लक्ष्य रहेको जनाएका छन् ।
