अर्जुनधारा । इलाम बजारबाट हराएका सात युवतीहरु प्रहरी चौकी शनिश्चरेले फेला पारेको छ ।
मंगलबार घरबाट विद्यालय हिंडेका ती युवतीहरुलाई सुराकीका आधारमा प्रहरी चौकी शनिश्चरेले आज (बुधबार) अर्जुनधारा–१ मदनपुरबाट फेला पारेको हो ।
प्रहरी चौकी शनिश्चरे प्रमुख कुमार ढकालका अनुसार इलाम आदर्श माविमा अध्ययनरत् ती युवतीहरु साथीको बर्थडे मनाउन झापा हिंडेको भन्दै अभिभावकलाई जानकारी नदिइ मोवाइल स्वीज अफ गरी एकाएक गुमनाम भएका थिए ।
साँझपखसम्म विद्यालयबाट घर नफर्किएपछि अभिभावकहरु विद्यालय हुँदै प्रहरी प्रशासन गुहार्न बाध्य भएका थिए ।
घर छाडी भाग्नेहरुमा दिपीसा राई, सोफिया गुरुङ, अञ्जली चौधरी, युना खाती, अञ्जु ठकुरी, सुष्मा ठटाल, रोशनी विक रहेका छन् ।
कक्षा ८ र ९ मा अध्ययनरत ती युवतीहरु अर्जुनधारा–१ स्थित मदनपुरका दिपेश कार्की डोली र दिवस कार्कीलाई आफन्त मान्दै झापा आएको युना खातीले बताइन् ।
प्रहरी चौकीका अनुसार उनीहरु दुवैलाई अनुसन्धानमा राखेर युवतीहरुलाई आफन्तको जिम्मा लगाइदिने भएका छन् ।
