बिर्तामोड । अनुचित लेनदेनमा संलग्न भइ फरार रहेका ३४ वर्षीय मधुकर बस्नेत पक्राउ परेका छन् ।
ललितपुर जिल्ला स्थित साबिक टीकाथली गाविस–७ परिवर्तित महालक्ष्मी नगरपालिका वडा नं.६ घर भई हाल झापा बिर्तामोड नगरपालिका वडा नं. ५ मा डेरा गरी बस्ने बस्नेतलाई पक्राउ गरिएको प्रहरीले जनाएको छ ।
कृष्णप्रसाद शिवाकोटीको जाहेरीले बादी नेपाल सरकार प्रतिबादी मधुकर बस्नेत भएको अनुचित लेनदेन सम्बन्धी कसुर मुद्दाको वारदातपछि उनी फरार रहेका थिए ।
बस्नेत फरार भई सुनसरीको इटहरीमा लुकीछिपि बसिरहेको अवस्थामा इलाका प्रहरी कार्यालय इटहरी सुनसरीसँग समन्वयमा प्रहरीले पक्राउ गरेको थियो ।
उनलाई झापा जिल्ला अदालतबाट म्याद लिई सो सम्बन्धमा थप अनुसन्धान कार्य भइरहेको जिल्ला प्रहरी कार्यालय झापाले जनाएको छ ।
