बिर्तामोड । बिर्तामोड ५ मा मुख्य कार्यालय रहेको पताल गंगा बचत तथा ऋण सहकारी संस्थाले वर्ष उत्कृष्ट सञ्चारकर्मीका रुपमा पत्रकार अमित खम्बूलाई नगदसहित सम्मान गरेको छ ।
सहकारी क्षेत्रमा कलमको माध्यमबाट योगदान पुर्याएको भन्दै पत्रकार खम्बूलाई वर्ष उत्कृष्ट पुरस्कारले सम्मानित गरेको हो ।
कोशी प्रदेश सरकारका खानेपानी, सिँचाइ तथा उर्जा मन्त्री एकराज कार्कीले पूर्वाञ्चल दैनिकमा आवद्ध पत्रकार खम्बूलाई सम्मानपत्र प्रदान गरेका थिए ।
खम्बूसँगै शेयर सदस्य, ऋणी, ज्येष्ठ सदस्य, कर्मचारीहरुलाई सम्मान गरिएको थियो । सम्मानित हुनेहरुमा ज्येष्ठ शेयर सदस्यहरु नरमाया लिम्बू र गंगामाया गिरी, उत्कृष्ट उद्यमी फुलकुमारी तामाङ, उत्कृष्ट बचतकर्ताहरु मानषी लिम्बू, कृतिका पुरी र पुनम चौधरी तथा उत्कृष्ट कर्मचारी बजार प्रतिनिधि कल्पना घिमिरे रहेका छन् ।
