बुधबारे । बुद्धशान्ति प्रेस क्लबको आयोजनामा झापा मिडिया कप २०८१ हुने भएको छ ।
झापामा लामो समयदेखि सञ्चारकर्मी बीच खेल नभएको अवस्थामा प्रेस क्लब बुद्धशान्तिले नेपालीहरुको महान चाड बिजय दशमी पावन अवसर पारेर सम्पूर्ण झापाली सञ्चारकर्मीलाई एउटै मैदानमा उपस्थित गराई जिल्ला स्तरीय फुटबल प्रतियोगिता मिडिया कप (प्रेस क्लब स्तरीय) २०८१ गर्ने शनिबार पत्रकार सम्मेलन गरी जानकारी दिएको छ ।
प्रतियोगितामा झापाका ७ वटा प्रेस क्लबका टिमको सहभागीता रहने आयोजकले जनाएको छ । मिडिया कपको प्रथम पुरस्कारको रुपमा ट्रफि, मेडल र प्रमाण पत्र सहित नगद रु २५ हजार त्यस्तै उपविजेता टिमले पनि ट्रफि, मेडल र प्रमाण पत्र सहित नगद रु १५ हजार रहेको बताइएको छ ।
आउदो असोज १७ र १८ गते श्री त्रिभुवन मावि होक्सेको खेल मैदानमा आयोजना गरिने बताइएको छ भने उक्त प्रतियोगिता सम्पन्न गराउन करिब २ लाख ५० हजार रकम खर्च हुने अनुमान गरिएको आयोजक समितिका खेल सम्योजक नारायण अर्यालले जानकारी दिए ।
