अर्जुनधारा । ज्येष्ठ नागरिक सामुदायिक मिलन समाजले महाकवी लक्ष्मीप्रसाद देवकोटाको ११६ औं जन्मजयन्ती पारेर आज पत्रकार र साहित्यकारहरुलाई सम्मान गरेको छ ।
सम्मानित हुनेहरुमा पत्रकार विनोद पाण्डे, साहित्यकार अभागी थेगुवा, संगीतकार कमला नेम्वाङ र कोशी प्रदेशका कक्षा ८ का टपर सागर रेग्मी रहेका छन् ।
सम्मानित हुनेहरुलाई नगदसहित प्रमाणपत्र प्रमुख अतिथि वडा नं. ८ का वडाध्यक्ष कुमार उप्रेतीले प्रदान गरेका थिए ।
समाजका अध्यक्ष रामप्रसाद भट्टराईको सभापतित्वमा भएको कार्यक्रममा स्वागत वरिष्ठ उपाध्यक्ष लक्ष्मी इङ्नामले गरेका थिए ।
कार्यक्रममा लक्ष्मी रिजाल र अभागी थेगुवाले कविता वाचन गरेका थिए भने गुरुकुलका विद्यार्थीहरुले आफ्नो प्रस्तुती प्रदान गरेका थिए ।
कार्यक्रमको सञ्चालन कृष्ण पौडेलले गरेको सचिव शेखरनाथ अधिकारीले बताए ।
