गौरीगञ्ज । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ पौष १५ गते झापाको गौरीगञ्ज आउने भएका छन् ।
बिहान ११ बजे आएर साँझ फर्कने तय भएको छ । अध्यक्ष प्रचण्डले विभिन्न पार्टी परित्याग गरी माओवादीमा प्रवेश गर्नेलाई सदस्यता प्रदान गर्ने कार्यक्रम रहेको छ ।
१५ गते करिब एक हजार सचेत नागरिक माओवादी केन्द्रमा प्रवेश गर्दै छन् । अध्यक्ष प्रचण्डको झापा आगमनलाई सार्थकता प्रदान गर्न विभिन्न उपसमिति बनेको पार्टीले जनाएको छ ।
१५ गते हुने पार्टी प्रवेशले झापाको शीर गौरीगञ्जबाट उठ्ने बैठकको निष्कर्ष रहेको उल्लेख छ । बैठकमा १५ वटै पालिकाका अध्यक्षसहित प्रदेश तथा जिल्ला नेताहरुको उपस्थिति रहेको थियो ।
