चुलाचुली । ११ वर्षीया नाबालिकालाई जबरजस्ती करणी गरेको आरोपमा इलाम चुलाचुली–६ तोरीबारी बस्ने ५१ वर्षीय हेमबहादुर विश्वकर्मालाई प्रहरीले नियन्त्रणमा लिएको छ ।
चैत १३ गते दिउँसो ४ बजेतिर किराना पसलमा सामान किन्न एक्लै गएकी नाबालिकालाई कोही नभएको मौका पारी जवर्जस्ती करणी गरेको आरोपसँगै जाहेरी परेपछि उनलाई प्रहरीले नियन्त्रणमा लिएको हो ।
पीडितका दाजुले घटनाबारे प्रहरीलाई जानकारी गराएपछि प्रहरी चौकी पेल्टिमारीले पीडकलाई नियन्त्रणमा लिएको थियो ।
विश्वकर्मालाई जिल्ला प्रहरी कार्यालय इलाममा राखी थप अनुसन्धान कार्य भइरहेको प्रहरीले जनाएको छ ।
