बुद्धशान्ति । नेकपा माओवादी केन्द्रकी महिला नेतृ धर्मशिला चापागाईले बुधबारे पहिलो भूमि सुधार लागू भएको गाउँपालिका भए पनि यहाँका किसानहरुले अझै किसान पेन्सन पाउन नसकिरहेको बताएकी छिन् ।
माओवादी केन्द्र बुद्धशान्तिको दोस्रो अधिवेशनलाई उद्घाटन गर्दै नेतृ चापागाईले माओवादीबाट किसान पेन्सन प्रदानको बाटो बनाउँदै गर्दा ठूला दल हुँ भनौदाहरुले रोकेको बताए ।
‘१० वर्षे जनयुद्धले जनताका लागि थुप्रै काम गर्ने भनिए तापनि कांग्रपेस, एमाले बाधक भएको कारण जनताको काम गर्न नसकिएको हो’ नेतृ चापागाईले भनिन्, ‘अब माओवादी पार्टी सुध्रिदै जनताको भावनामा ठेस लगाउने काम गर्दैन ।’
‘०८४ मा पार्टीको उचाई बनाएरै छाड्छौं, तपाईहरुको साथ चाहियो’ उनले थपिन् ।
बुद्धशान्तिको राधाकृष्ण मन्दिरको हलमा आयोजित दोस्रो अधिवेशनमा शहीदका परिवार, विद्यार्थी नेताहरुलाई सम्मान गरिएको थियो ।
सभामा प्रेम नेम्वाङले १६ पृष्ठको राजनैतिक गतिविधि पेश गरेका थिए ।
