शनिश्चरे । किरात राई यायोक्खा अर्जुनधाराले यो वर्षको उभौली पर्व जेठ १४ गते सालबारी स्थित साकेला थानमा भव्य रुपमा गर्ने भएको छ ।
यायोक्खा अर्जुनधाराले त्यस दिन कूल पूजासँगै साकेला नृत्य गर्दै शुभकामना आदनप्रदान गर्ने भएको यायोक्खा सचिव सरीता राईले बताइन् ।
कोरोनाका कारण यसअघि उभौली पूजा हुन सकेको थिएन । यस वर्ष भने भव्य रुपमा गर्न समिति समेत गठन गरिएको छ ।
उभौली पूजा सम्पन्न गर्नका लागि माङ्पा (पूजारी) सुशिला राई ‘खुशे’ को अगुवाईमा एक समिति रहेको छ भने भुपा राईको अगुवाईमा स्वागत समिति निर्माण गरिएको छ ।
त्यस्तै उभौली पूजालाई व्यवस्थापन गर्नका लागि विजय साम्पाङको अगुवाईमा समिति निर्माण गरिएको क्या. शिवकुमार राईले जानकारी दिए ।
क्या. मानबहादुर राईको अध्यक्षतामा भएको भेलाले विभिन्न क्षेत्रबाट नाच टोली आउने भएको जनाइएको छ ।
