अर्जुनधारा । किराँत राई यायोक्खा अर्जुनधाराले शुभकामना आदानप्रदान गर्दै बलिहाङ तङनाम (देउसी भैलो) खेल्ने भएका छन् ।
मासिक २५ गते हुने सर्वपक्षिय भेलामा शुभकामना आदानप्रदान गर्दै बलिहाङ तङनामलाई उत्साहको रुपमा लानुपर्ने बताए ।
चाम्लिङ खाम्बातिमका नगर अध्यक्ष क्या. शिवकुमार राईले बलिराजाको सन्देश दिँदै गाउँघर पुग्दा तमाम् किराँतीहरु उत्साहित भएको बताए ।
यायोक्खा नगर अध्यक्ष विजय साम्पाङ राईको सभापतित्वमा भएको कार्यक्रममा यायोक्खाका सल्लाहकार कुसुम राई, भरतसिंह राई, मिश्रकुमारी राई, चन्द्रकला राई लगायतले शुभकामना प्रदान गरेका थिए ।
कार्यक्रममा सचिव सिंहबहादुर राईले बलिहाङ उत्सवका लागि यायोक्खाले २७ र २८ गते किराँत राई बन्धुहरुको घरमा देउसी भैलो लिएर आउने जानकारी दिए ।
किराँत राईको यायोक्खाको मुन्धुम पार्कमा आयोजित शुभकामना आदानप्रदानमा सांगीतिक कार्यक्रम समेत गरिएको थियो ।
