अर्जुनधारा । अर्जुनधारा–३ खुदुनाबारी स्थित सारेगम कला केन्द्रले आफ्नो आठौं वार्षिक उत्सवको अवसरमा रक्तदान गरेको छ ।
रक्तदान जीवनदान भन्ने नारासहित आयोजित कार्यक्रममा ७ जना महिलासहित ५४ जनाले रक्तदान गरेका थिए ।
नेपाल रेडक्रस सोसाइटी उपशाखा खुदुनाबारीको प्राविधिक सहयोगमा रक्तदान गरिएको केन्द्रका सन्तोष आलेले बताए ।
उनले रगत अभाव भइरहेको अवस्थामा मानवीय सहयोगका लागि केन्द्रले कार्यक्रम गरेको सुनाउँदै रक्तदान गरी सहयोग गर्नुहुनेलाई धन्यवाद दिए ।
