बिर्तामोड । बक्सिङ संघ झापाले राष्ट्रिय निर्णायकहरुलाई प्रमाणपत्र वितरण गरेको छ ।
भद्रपुरस्थित संघ कार्यालय परिषरमा उनीहरुलाई प्रमाण पत्र वितरण गरिएको हो ।
संघले गत जेठ ७ देखि १० गतेसम्म अर्जुनधारामा आयोजना गरेको प्रदेशस्तरीय प्रतियोगितामा सहभागी १३ जना राष्ट्रिय निर्णायकहरुलाई प्रमाण पत्र वितरण गरिएको संघका अध्यक्ष युवराज खड्काले जानकारी दिए ।
प्रतियोगितामा अर्जुनधारा–११ नयाँ बसपार्कस्थित एक्स थ्री बक्सिङ क्लबकी प्रबन्ध निर्देशक जोया सुब्बासहित दुई जना महिलासमेत सहभागी थिए ।
कार्यक्रममा खेलकुद विकास समिति झापाका अध्यक्ष भेषराज भण्डारी (प्रशान्त) र बक्सिङ संघका अध्यक्ष खड्का लगायतले राष्ट्रिय निर्णायकहरुलाई प्रमाण पत्र र परिचय पत्र प्रदान गरेका थिए ।
