सेन्टर प्लाजामा लागेको आगलागी नियन्त्रणमा, ११ को उद्दार

इटहरी । इटहरी उपमहानगरपालिका–६ मा रहेको सेन्टर प्लाजामा भएको आगलागी छ घण्टापछि नियन्त्रणमा आएको छ भने आगलागीमा फेसका ११ जनाको उद्धार गरिएको छ ।

सुनसरीका प्रमुख जिल्ला अधिकारी धर्मेन्द्रकुमार मिश्रका अनुसार आगलागीमा फेसका भोजपुरकी मेरिका राई, कैलालीका लक्ष्मी श्रेष्ठ, सुनसरी, वराहक्षेत्रका विजय धामी, काभ्रेका विष्णु तामाङ, बङ्गलादेशी नागरिक एमडी जय, धनुषाका सञ्जय जैसवाल, मोरङ, विराटनगर–१५का दिया राय, दिया रायका श्रीमान विशाल सिंह र सुनसरी, रामधुनीका आशिष चौधरीको उद्धार गरिएको बताए ।

अन्य दुई जनाको भने परिचय खुल्न बाँकी रहेको प्रमुख जिल्ला अधिकारी मिश्रकाले बताए । उनीहरु मध्य दिया राय, दिया रायका श्रीमान र आशिषको इटहरी अस्पतालमा उपचाररतमा उपचार भइरहेको छ । सेन्ट्रल प्लाजामा लागेको आगो नियन्त्रणमा आएको छ ।

६ घण्टापछि नेपाल प्रहरी, सशस्त्र प्रहरी र नेपाली सेनाको संयुक्त टोलीले आगो नियन्त्रणमा लिएको सुनसरीका प्रहरी प्रमुख एसपी सुमन तिम्सिनाले जानकारी दिए । दुई दर्जनभन्दा बढी दमकल र सशस्त्र प्रहरीका एसएसपी मनिष थापाको नेतृत्वमा १०५ जना, नेपाली सेना र प्रहरीका साथै ६ वटा दमकलको सहयोगमा आगलागी नियन्त्रणमा लिने लिईएको थियो ।

बुधवार बिहान करिब ९ः४३ बजे भवनको पाँचौँ तलाबाट अचानक आगलागी सुरु भएको थियो । आगलागीबाट करोडौको क्षति भएको छ । के कति कारणले आगलागी भएको हो भन्ने बारे अनुसन्धान भइरहेको प्रहरीले जनाएको छ ।