भद्रपुर । भद्रपुर झापा गोल्डकपको दोस्रो संस्करणको उपाधि आयोजकको टिम भद्रपुर ब्लेजर्सले जितेको छ ।
उसले प्रतिद्वन्द्वी टिम झापा–११ लाई २–० गोलअन्तरले पराजित गर्दै उपाधिमाथि अधिकार जमाएको हो ।
जितसँगै भद्रपुर ब्लेजर्सले नगद १३ लाखसहित ट्रफी पाएका छन् । उता उपविजेतामै चित्त बुझाएको झापा–११ले नगद ७ लाखसहित ट्रफी पाएका छन् ।
मेची रंगशाला सम्पन्न फाइनल खेलको ३० औं मिनेटमा भद्रपुरका कप्तान आशिष चापागाईले गोल गर्दै अग्रता बनाएका थिए ।
त्यस्तै दोस्रो हाफको अतिरिक्त समयमा भद्रपुरका सत्यम शर्माले थप गोल गर्दै २–० ले जित सुनिश्चित गरे ।
