अर्जुनधारा । अर्जुनधारा जेसीजको ११ औं साधारणसभाले सन् २०२३ का लागि युवा व्यवसायी प्रेम खड्कालाई अध्यक्ष पदमा सर्वसम्मत निर्वाचित गरेको छ ।
शुक्रबार जेसीज भवनमा आयोजित सभाले खड्कालाई निर्वाचित गरेको हो ।
उनीसँग बसन्त बुढाथोकी प्रतिस्पर्धा गर्ने भए पनि अन्त्यमा खड्कालाई समर्थन गर्दै नाम फिर्ता लिएपछि खड्का सर्वसम्मत निर्वाचित भएका हुन् ।
अर्जुनधारा–५ निवासी खड्का बिर्तामोड स्थित हलेसी फर्निसिङका प्रोपाइटर हुन् ।
२०२३ का लागि कार्यकारी उपाध्यक्षमा बालगोपाल गौतम, वरुण माझी र प्रजित थापाको उम्मेद्वारी परेको छ ।
जेसीजको विधान अनुसार शाखाको कार्यकारी उपाध्यक्षमा दुई जना रहने प्रावधान रहेको छ ।
त्यस्तै चार उपाध्यक्षका लागि पाँच जनाको उम्मेद्वारी परेको छ ।
जसमा भिम बराल, मनोज सिटौला, सुमन ओली, घनेन्द्र डाँगी र गौरव भण्डारीले उम्मेद्वारी दिएका छन् ।
११ औं साधारणसभाको उद्घाटन वडा नं. ७ का वडाध्यक्ष गोविन्द खतिवडाले गरेका थिए ।
अध्यक्ष भीम कुँवरको सभापतित्वमा भएको कार्यक्रममा जेसीज आस्था कार्यकारी उपाध्यक्ष विमला भट्टराई र स्वागत अर्का कार्यकारी उपाध्यक्ष प्रेम खड्काले गरेका थिए ।
कार्यक्रममा पूर्व अध्यक्षहरुको सहभागिता रहेको महासचिव वरुण माझीले बताए ।
