अर्जुनधारा । आदिकवी भानुभक्त आचार्यको जन्म जयन्तीको अवसर पारेर अर्जुनधारा जलेश्वरधाममा भक्तिमय रामायण पाठ प्रतियोगिता हुने भएको छ ।
असार २९ गते हुने रामायण पाठ प्रतियोगितामा झापा जिल्ला भरीका २५ वटा गुरुकुलका विद्यार्थी र शिक्षकहरुको सहभागिता रहनेछ ।
रोचक र सरल भाषामा सबैले बुझ्न सक्ने रामायण पाठ भक्तिमय हुने बताइएको छ ।
अर्जुनधारा जलेश्वरधामको आयोजनामा हुने भनिएको प्रतियोगितामा नगद पुरस्कारसहित प्रमाणपत्र रहने धामका सांस्कृतिक विभागका संयोजक कृष्ण पौडेलले जानकारी दिए ।
