अत्याधिक गर्मीकै कारण झापामा दुइको मृत्यु, एकको उपचार हुँदै

अर्जुनधारा । अत्याधिक गर्मीले मानव जीवन असहज हुँदै गइरहेको बेला झापामा तीन जानको मृत्यु भएको खबर छ ।

अर्जुनधारा–१ सिस्ने निवासी ७२ वर्षीय प्रेमबहादुर राईको गर्मीकै कारण प्रेसर बढेपछि उपचारको क्रममा निधन भएको छ ।

यसरी नै कनकाई नगरपालिका अन्तर्गत कोटीहोममा पनि एक वृद्ध गर्मीका कारण ढलेर बिहोस भएको र उनको उपचार भइरहेको छ । उनको पहिचान भने खुल्न बाँकी नै रहेको छ ।

यस्तै बिर्तामोड–६ स्थित राधिका जोगीको पनि गर्मीकै कारण मृत्यु भएको जनाइएको छ ।

विगत ४ दिनदेखि गर्मीले सीमा नाघेपछि त्यसको प्रत्यक्ष असर वृद्ध तथा बालबालिकाहरुमा देखिएको छ ।

गर्मीले घमौरा र श्वासप्रश्वासमा असहज हुने, झाडापखाला लाग्ने भएको हुँदा बासी खानेकुरा नखान र अतिआवश्यक काम बाहेक बाहिर ननिस्कन स्वास्थ्यकर्मीले अनुरोध गरेका छन् ।

झापाको तापक्रम ३७ डिग्री सेल्सियस रहेको जनाइएको छ ।

सच्याइएको

यस अनलाइन खबरले अत्याधिक गर्मीका कारण झापामा तीनको मृत्यु भन्ने शीर्षकमा प्रकाशित समाचारमा कनकाई कोटीहोममा पनि एक वृद्धको गर्मीका कारण ढलेर बिहोस भएको र उनको उपचार भइरहेको हुनुपर्नेमा समाचार सुत्रले गलत सूचना दिइएको हुँदा अन्यथा भएकोले सच्याइएको छ । यसबाट पर्न गएको असुविधाप्रति सम्बन्धित पक्ष तथा आम पाठक वर्गमा क्षमाप्रार्थी छौं । –सम्पादक