बिर्तामोड । विद्यार्थीहरुलाई अधिकार र प्रतिनिधित्व गराउने शक्ति नै क्रान्तिकारी भएको हुँदा क्रान्तिकारीको विचारले विद्यार्थीको भविश्य बन्ने कुरा झापा जिल्ला इन्चार्ज रञ्जीत तामाङले बताए ।
स्ववियु निर्वाचनमा झापा जिल्लाका क्याम्पसहरुमा नेकपा माओवादी केन्द्रबाट सहभागि अनेरास्ववियु क्रान्तिकारीका उम्मेद्वारहरुलाई सान्तवना तथा प्रोत्साहन कार्यक्रममा प्रमुख अतिथि तामाङले सबै जाति, वौद्धिक वर्ग उत्पादन हुने थलो उच्च शिक्षालय भएको बताउँदै शिक्षालय नै पञ्चायती पद्धतीमा रह्यो भने गरिबका जनताका छोराछोरी प्रधानमन्त्री, राष्ट्रपति हुन नसक्ने बताए ।
उनले क्रान्तिकारी संगठन आउनुअघि स्ववियु निर्वाचनका पद्धती र कार्य क्षमता पञ्चायती शैली जस्तो भएको र हाम्रो उपस्थितिले तोडिएको बताए ।
अनेरास्ववियु क्रान्तिकारीका राष्ट्रिय अध्यक्ष भई काम गरिसकेका तामाङले अगाडि भने, ‘सर्वजाति हितका लागि पार्टी पनि तयार छ, विद्यार्थीको चौतर्फी विकासका लागि क्रान्तिकरी विद्यार्थी संगठन पनि अग्रमोर्चामा छ । जे जति भोट प्राप्त गर्नुभएको छ त्यसलाई सम्मान गर्नुहोस् भविश्य तपाईहरुकै हातमा छ ।’
कार्यक्रममा पार्टी जिल्ला संयोजक राजु आचार्य (अग्नी), केन्द्रीय सदस्य सरु न्यौपाने, भवानी दंगाल, रोशन कन्दङवा, विपिन पोखरेल, उपेन्द्र लिम्बू, पुकार गुरुङ, सन्तोष पासवान, सुरेन्द्र गिरी लगायतको उपस्थिति रहेको थियो । कार्यक्रमको सञ्चालन विवेक दाहालले गरेका थिए ।
करिब ७० जना स्ववियु निर्वाचनमा सहभागि विद्यार्थी नेताहरु थिए भने विभिन्न क्याम्पसमा विजय प्राप्त १२ जना र अधिकांश क्याम्पसमा समानुपातिक प्रतिनिधित्वबा सहभागि भएको जनाएका थिए ।
