संविधान संशोधन अधिकार खोस्न होइन थप्नका लागि

समाजवादी मोर्चाको शान्तिपूर्ण सभा

काठमाण्डौ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले समाजवादी मोर्चाले शुक्रबार आयोजना गरेको विशाल सभालाई सम्बोधन गर्दै संविधान संशोधन अधिकार खोस्नका लागि नभई थप्नका लागि गर्नुपर्ने बताएका छन् ।

विशाल सभाका प्रमुख अतिथि समेत रहेका अध्यक्ष प्रचण्डले समाजवाद सिद्धन्त र पद्धतीलाई अंगीकार गरेर लगे आदिवासी जनजाति, दलित, महिला, अल्पसंख्यक लगायत समग्र नेपालको विकास हुने कुरामा दुइमत नहुने बताए ।

हालै राजतन्त्रवादी केही तत्वहरु जुर्मुराएको देख्दा मरिसकेको अवशेष फर्के आउने कुरा दिवास्वपना मात्र हुनसक्छ । त्यसबाट नेपाली जनताको भलो हुन सक्दैनभन्दै त्यतापटी नअल्मलिन अनुरोध गरे ।

आफू सत्तामा रहँदा सामन्तवादी, पूँजीवादीले नेपाली जनतालाई उस्कन नदिएको, भ्रष्टाचारबाट अकुत सम्पत्ति कमाएर जनतालाई नागरिकबाट रैति बनाउन खोजिएको हुँदा त्यो अकुत सम्पत्ति कमाउने सोच भएका र तानाशाही र नोकरशाहीले आफूलाई टिक्न नदिएको पनि उनले बताए ।

सदनमा अंक गणितको हिसाबमा आफू तल रहेर पनि जनताको हितका लागि भ्रष्टाचार न्यूनिकरण गर्न कार्यक्रमहरु अगाडि सार्दै गर्दा दुइ ठूला दल एमाले र कांग्रेसले आफूलाई सत्ताबाट रातारात बहिरगमन गराएको बताए ।

राजनीतिक इतिहासमा सत्ता पक्ष र प्रतिपक्ष हुन्छन्, तर यहाँ सत्ता पक्ष र प्रतिपक्ष दुवै मिलेर सत्ता चलाउँदै भ्रष्टाचारीलाई संरक्षण गरेको, नेपाली जनताको अधिकार खोस्ने कार्यमा सक्रिय रहेको हुँदा समाजवादी मोर्चा त्यसप्रति सचेत रहेको बताए ।

अध्यक्ष प्रचण्डले अगाडि भने, यस्तै तरिकाबाट सदन र सरकार चल्ने हो भने जनताले ल्याएको लोकतन्त्र सामन्तवादहरुको लागि खेल्ने मौका हुनेछ ।’ उनले राजतन्त्रवादीहरुले तीनकुनेमा गरेको उदण्डप्रति आपत्ति जनाउदै शान्त, सभ्य र गणतन्त्रवादीहरुको आमसभाले दिएको सन्देशले नेपाली जनताका लागि भलो हुने समेत बताए ।

भृकुटी मण्डप परिषरमा भएको विशाल सभालाई सम्बोधन गर्दै विशेष अतिथि समाजवादी मोर्चाका नेता माधवकुमार नेपालले ओली सरकारबाट नेपाली जनताले पाउने सास्ती यहाँभन्दा अर्को नहुने बताउँदै अकुत सम्पत्तिको भरमा ओली सरकारले भ्रष्टाचारीहरुलाई संरक्षण दिएकोमा आपत्ति प्रकट गरे ।

नेकपाका अध्यक्ष विप्लप सीले गाउँ अझै पनि आक्रान्त भएको बताउँदै नेपाली जनताहरु अझै पनि सुकुम्बासी अवस्थामा रोइरहेको बताए । उनले आफू मेची–महाकालीको अवलोकनको क्रममा यी कुराहरु उजागर भएको बताए ।

उनले नागरिकलाई रैतिमा पुर्याउनका लागि अहिले भएको चलखेल नेपाली जनताले सहन नसक्ने बताए । विप्लप सीले सभामा सम्बोधन गर्दै गणतन्त्र र राजतन्त्रको बीचमा आकाश पतालको फरक रहेको सुनाउँदै राजतन्त्रमा राजाका दरसन्तान नै राजा हुन्छन् भने गणतन्त्रमा जनताका छोराछोरी शासक हुन सक्छने बताए ।

उनले आदिवासी जनजातिको थातथलो, उनीहरुले मान्दै आएको संस्कार, संस्कृतिमाथि आक्रमण गरेर तानाशाही प्रवृद्धि देखाएकोमा सरकारप्रति आपत्ति प्रकट गरेका थिए ।

मधेसवादी नेता महेन्द्र नारायण यादवले सम्बोधन गर्दै राजतन्त्रको अवशेष बिझ्याँउन खोज्ने तत्व वर्तमान सरकार नै भएको आरोप लगाउँदै अझै पनि मधेसका जनताहरु नागरिक हुन नसकेको बताए । उनले मधेसका जनतालाई नागरिक बनाउने प्रयास गर्दा शासकले र सामन्ती सोच भएका व्यक्तिहरुले त्यहाँका नागरिकहरुलाई माथि उठ्न नदिएको बताउँदै यस्तो खाले सचेत सभा आवश्यक भएको बताए ।

समाजवादी मोर्चाले आयोजना गरेको विशाल सभाको अध्यक्षता नेकपाका अध्यक्ष विप्लप सीले गरेका थिए । सभामा नेकपा माओवादी केन्द्रकी उपाध्यक्ष पम्फा भुषालले स्वागत गरेकी थिइन् । उनले मेची–महाकालीबाट आएका तमाम् कार्यकर्ताप्रति स्वागत गर्दै महिला मुक्ति, संघर्षका बलिदानबाट लोकतन्त्र आएको बताउँदै मरिसकेको राजतन्त्र ब्युँताउने प्रयास गरेर नेपाली जनतालाई रैति बनाउने खेलप्रति आपत्ति प्रकट गरिन् ।

सभामा जनसांस्कृतिक मञ्चका कलाकारहरुले लोकप्रिय गीतहरु पस्केर स्वागत गरेका थिए । चारै दिशाबाट निस्किएको र्यालीले भृकुटी मण्डप आसपासका क्षेत्रहरु भीडाम्भीड देखिन्थ्ये भने उता तीनकुनेमा निकालिएको राजतन्त्रवादीको र्यालीमा राजावादीहरुले आतंक सृजना गरेको समेत मोर्चाका नेताहरुले आरोप लगाएका थिए ।