झापा । झापाको गौरीगञ्ज गाउँपालिका–६ डौवाबारीका नगेन्द्र ढकालको घर छेवैमा रहेको धानमा आगलागी भएको छ ।
धानमा थ्रेसर लगाउने क्रममा (आज) आइतबार बिहान करिब ११ बजे आगलागी भएको हो ।
ढकालको पौन दुई विगाह खेतको धान र बाबुराम राजवंशीको ट्याक्टर र थ्रेसर पराल समेत जलेर नष्ट भएको छ ।
स्थानीयको सहयोगमा केही धान मात्र जल्नबाट बचाएको पीडित ढकालले जानकारी दिए ।
गौरादह, दमक, इलाका प्रहरी कार्यालय गौरीगञ्जबाट खटिएका प्रहरी र स्थानीयवासीले सहयोगमा करिव डेढ घण्टापछि मात्रै आगो नियन्त्रणमा आएको थियो ।
