अर्जुनधारा । आदिवासी नेता हंशलाल राजवंशीको शनिवार बेलुका ५ः३० बजे निधन भएको छ ।
झापा चारआलीको पिपल चोकमा बस्दै आएका राजवंशी २ दिन अघि उच्च रक्तचापले च्यापेको थियो ।
उनको उपचारको क्रममा बिराटनगरमा मृत्यु भएको नेकपा झापाका सचिव बिजय साम्पाङ्ले जनाए ।
पार्टी जिल्ला कमिटीका सदस्य रहेर विभिन्न जिम्मेवारी समाल्दै आएका राजवंशी कोचिलाका झापा जिल्ला संयोजक रहेर धेरै काम गरि सकेका थिए ।
जातीय मुक्ति बिना राष्ट्र समृद्ध हुन नसक्ने विचार बोक्दै आएका राजवंशी समानुपातिक प्रतिनिधित्व एक मात्र विकल्प रहेको विचार राख्दै अगाडि बढेका थिए ।
२०५१ सालदेखि आदिवासी आन्दोलनमा सक्रिय हंशलाल विभिन्न आन्दोलनमा अग्रमोर्चामा उभिएका थिए ।
